У форуме прымаюць удзел каля 250 чалавек. Гэта прадстаўнікі дзяржаўных рэспубліканскіх, карпаратыўных, рэгіянальных СМІ, сеткавых выданняў, ідэалагічныя работнікі, супрацоўнікі прэс-службаў рэспубліканскіх органаў дзяржкіравання, эксперты ў сферы камунікацый.
Міністр інфармацыі Уладзімір Пярцоў, звяртаючыся да ўдзельнікаў, падкрэсліў: "Форум, безумоўна, аб'ядноўвае таленавітых журналістаў, медыяменеджараў, аўтарытэтных экспертаў і з кожным годам становіцца ўсё больш значным і запатрабаваным".
Да медыйнай супольнасці краіны таксама звярнуўся старшыня Брэсцкага аблвыканкама Юрый Шулейка. Ён адзначыў, што ад слова журналіста, а часам і коскі, залежацыць вельмі шмат. "Брэстчына жыве і развіваецца разам з усёй краінай. Чакаем, што гэта будзе аб'ектыўна адлюстроўвацца ў вашых рэпартажах", - сказаў губернатар.
Удзельнікі форуму сёння абмяркуюць розныя аспекты кросмедыйнай журналістыкі, асаблівасці стварэння і адаптацыі кантэнту на розных платформах.
Першы форум медыйнай супольнасці Беларусі прайшоў у 2021 годзе ў Мінску, у мінулым годзе яго прымаў Віцебск.-0-
