26 сакавіка, Ашмянскі раён /Кар. БЕЛТА/. Палёт беларускага касманаўта на МКС - гэта не толькі імідж краіны. Аб гэтым Прэзідэнт Беларусі Аляксандр Лукашэнка заявіў журналістам, перадае карэспандэнт БЕЛТА.
"Гэта не толькі імідж. Гэта цэлая галіна. Ад іміджу краіны, якая здольна выхаваць і запусціць у космас", - сказаў Прэзідэнт.
Аляксандр Лукашэнка таксама расказаў аб асабістых перажываннях за палёт Марыны Васілеўскай, размове з гендырэктарам "Раскосмасу".
"Самае любімае маё відовішча. Прыгажуня ракета, - адзначыў ён. - Я радуюся разам з вамі, што мы дасягнулі вяршыні ў космасе. Мы сапраўды сталі касмічнай дзяржавай".
