27 ліпеня, Мінск /Кар. БЕЛТА/. Памеры "ўзроставых" даплат да пенсій вырастуць з 1 жніўня,
паведамляе БЕЛТА са спасылкай на прэс-службу Міністэрства працы і сацыяльнай абароны.
З 1 жніўня ў Беларусі памер гэтых выплат павялічыцца на 4,1% і складзе 99,44 рубля для людзей ва ўзросце 75-79 гадоў, пры наяўнасці інваліднасці 1-й групы - 232,03 рубля. Для людзей 80 гадоў і старэйшых (з улікам надбаўкі на догляд) - 198,89 рубля, пры наяўнасці інваліднасці 1-й групы - 265,18 рубля.
У Мінпрацы адзначылі, што "ўзроставыя" даплаты да пенсій атрымліваюць амаль 570 тыс. чалавек ва ўзросце 75 гадоў і старэйшыя. Расходы на іх у 2026 годзе складуць, паводле ацэнкі, 980 млн рублёў.-0-